Tá dhá shraith sa scéim seo:

Snáithe 1: Forbairt agus taighde ar Smaointe

Is é cuspóir an tsnáithe seo deis a thabhairt d’iarratasóirí chun smaointe a bhaineann le cuspóirí agus tosaíochtaí na scéime a fhiosrú, a thástáil agus a fhorbairt. D’fhéadfaí é sin a dhéanamh go haonar, nó i gcomhar le daoine eile (e.g. ailtirí, ealaíontóirí, eagraíochtaí, grúpaí pobail, údaráis áitiúla, ionaid nó féilte). Moltar go mór don iarratasóir meantóir* oiriúnach (Éireannach nó idirnáisiúnta) a shainaithint agus oibriú leis chun cabhrú le forbairt an smaoinimh. 

Snáithe 2: Réadú agus seachadadh tionscadail

Is é cuspóir an tsnáithe seo tacaíocht a thabhairt do thionscadail nuálacha agus uaillmhianacha le smaointí úra ina gcrainn thaca acu agus a bhfuil sé mar aidhm shonrach acu taithí an phobail i leith na hailtireachta a fheabhsú agus a mhéadú. Tá sé riachtanach don snáithe seo go mbeadh ailtire nó céimí le hailtireacht ar dhuine de na baill is tábhachtaí den fhoireann. 

Cé atá i dteideal iarratas a dhéanamh?

Féadfaidh daoine aonair, údaráis áitiúla agus eagraíochtaí iarratas a chur isteach ar an Scéim Rannpháirtíochta san Ailtireacht.

Tá eagraíochtaí a fhaigheann maoiniú trí chláir deontais eile de chuid na Comhairle Ealaíon i dteideal iarratas a chur isteach.

Féadfaidh daoine atá ina gcónaí i bPoblacht na hÉireann agus eagraíochtaí atá bunaithe i bPoblacht na hÉireann cur isteach ar an dámhachtain. Bíonn cásanna eisceachtúla ann nuair a ghlacann an Chomhairle Ealaíon le hiarratais incháilithe ó dhaoine nach cónaitheoirí de chuid Phoblacht na hÉireann iad. Sula n-admhódh an Chomhairle Ealaíon go bhfuil iarratas den sórt sin incháilithe, áfach, bheadh ar an gComhairle a bheith sásta go gcuirfeadh torthaí togra den sórt sin leis na healaíona i bPoblacht na hÉireann.  

Cad ar ar féidir leat iarratas a dhéanamh?

Sraith 1: Is é an t-uasmhéid a dhámhfar ar gach iarratas rathúil:  €5,000
Sraith 2:  Is é an t-uasmhéid a dhámhfar ar gach iarratas rathúil:  €25,000

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.