Cuspóir agus tosaíochtaí na dámhachtana

Is é feidhm na scéime seo ná tacú le heagraíochtaí ealaíne i seachadadh tionscnamh cónaitheachta agus deiseanna a chruthú le haghaidh aistriú agus comhoibriú trasnáisiúnta i ngach foirm ealaíon. Tá sé mar aidhm ag an scéim éascaíocht a dhéanamh do chláir chónaitheachtaí éagsúla lena mbaineann comhpháirtíochtaí le heagraíochtaí atá lonnaithe thar lear agus, rud lena gcruthaítear creat tacúil don soghluaisteacht idirnáisiúnta agus d’fhorbairt ghairmiúil ealaíontóirí agus cleachtóirí ealaíne.

Is í béim na scéime ná eagraíochtaí ealaíne a chumasú chun creataí comhoibríocha a bhunú nó a dhaingniú le comhpháirtithe thar lear. Cé nach mór do na creataí seo a bheith dírithe go heisiach ar thionscnaimh chónaitheachta a sheachadadh a ghabhfaidh chun tairbhe ealaíontóirí agus an phobail, fágann na cineálacha tograí go mbeifear in ann freagairt go solúbtha do riachtanais ar leith gach comhpháirtíochta, foirme ealaíne agus spriocanna ealaíonta. 

Cé atá i dteideal iarratas a dhéanamh? 

Tá an scéim oscailte dóibh siúd in eagraíochtaí atá ag obair i ngach foirm agus cleachtas ealaíne. Le bheith incháilithe iarratas a dhéanamh, ní mór d’eagraíocht a bheith lonnaithe i bPoblacht na hÉireann agus a bheith in ann baint ghníomhach le heagraíocht comhpháirteach amháin eile ar a laghad a léiriú.

Tabhair faoi deara: Ní féidir le heagraíochtaí ach iarratas amháin a leagan isteach mar phríomhiarratasóir gach bliain.

Tacaíochtaí rochtana

Dá mba mhaith leat tacaíocht a fháil le d’iarratas de bharr riachtanas inrochtaineachta, déan teagmháil lenár n-oifigeach inrochtaineachta, Vanessa Carswell, trí seachtaine ar a laghad roimh an spriocdháta, nó chomh luath agus is féidir, le do thoil, mar cinnteoidh sé sin go mbeidh a dóthain ama ag Vanessa chun tacú leat. Cuirfimid an tacaíocht in oiriúint d’iarratais aonair.

Is féidir leat iarratas a dhéanamh ar chostais bhreise le riachtanais rochtana a d’fhéadfaí a bheith agat mar chuid de do thogra a shásamh.

Is féidir leat:

Glaoch a chur ar Vanessa ar (01 618 0200) nó
Seol ríomhphost chuig Vanessa ag access@artscouncil.ie