Scéim atá ar fáil d’ealaíontóirí faoi mhíchumas a phléann le foirm ealaíne ar bith é Ceangal na nEalaíon agus an Mhíchumais (ADC) 

Ceapadh an scéim chun tacaíocht a thabhairt d’ealaíontóirí faoi mhíchumas le saothar úr uaillmhianach a chruthú. Tugann sé an deis d’ealaíontóirí na nithe seo a leanas a dhéanamh

• ceangal le cleachtóirí nó le hionaid eile;
• a gcleachtas a athrú;
• céim chun cinn’ a thógáil ó thaobh scóipe agus scála de;
• lucht leanúna nua a aimsiú agus dul i mbun meantóireachta agus oiliúna.

Tá an scéim á maoiniú ag an gComhairle Ealaíon agus á bainistiú ag Arts & Disability Ireland. Leantar ar aghaidh leis an ADC a chur in oiriúint do riachtanais na n-ealaíontóirí atá ina gcónaí i bPoblacht na hÉireann ar shlí a chomhlánaíonn deiseanna eile maoiniúcháin atá ar fáil. 

Ceapadh Ceangal na nEalaíon agus an Mhíchumais mar fhreagairt ar riachtanais na hearnála i bPoblacht na hÉireann atá i mbun athrú agus de réir ghealltanais na Comhairle Ealaíon mar a shonraítear sa cháipéis dá cuid Arts and Disability (2012 – 2016): Arts Council Policy and Strategy (PDF, 3.98MB). Gabhann trí shraith mhaoiniúcháin le Ceangal na nEalaíon agus an Mhíchumais:

Ceangal na nEalaíon agus an Mhíchumais – Saothar Nua 

• Dhá dhámhachtain suas le €15,000 an ceann
• Oireann sé seo d’ealaíontóirí atá ar an bhfód le tamall, a bhfuil tréanchuntas teiste acu ina gcleachtas gairmiúil agus ar mian leo oibriú le healaíontóirí agus le comhpháirtithe ealaíon chun saothar nua a chruthú agus chun saothar a chur i láthair in eagraíochtaí, in ionaid agus i bhféilte ealaíon bunaithe.

Ceangal na nEalaíon agus an Mhíchumais – Meantóireacht

• Cúig dhámhachtain suas le €2,000 an ceann
• Oireann sé seo d’ealaíontóirí atá ag céimeanna éagsúla dá bhforbairt ghairme, lena n-áirítear ealaíontóirí atá ag teacht chun cinn, ar mian leo dul i mbun deiseanna meantóireachta.

Ceangal na nEalaíon agus an Mhíchumais – Oiliúint

• Trí dhámhachtain suas le €1,000 an ceann
• Oireann sé seo d’ealaíontóirí atá ag céimeanna éagsúla dá bhforbairt ghairme, lena n-áirítear ealaíontóirí atá ag teacht chun cinn, ar mian leo dul i mbun forbairt ghairmiúil agus deiseanna foghlama eile.

An próiseas iarratais agus an spriocdháta

Is féidir na foirmeacha iarratais, na treoirlínte agus na cáipéisí faisnéise uile a íoslódáil anseo: www.adiarts.ie/connect

Ní mór foirm iarratais chomhlánaithe, mar aon leis an ábhar tacaíochta uile, a chur chuig connect@adiarts.ie. Caithfear WeTransfer a úsáid.

The application forms and guidelines are available in English upon request.

Tuilleadh faisnéise

Déan teagmháil le Arts & Disability Ireland ar 01 850 9002 nó cuir ríomhphost chuig connect@adiarts.ie