Is é cuspóir Authored Works saoirse chruthaitheach agus eagarthóireachta a thabhairt d’ealaíontóirí scannán chun saothar fadscannáin chultúrtha le húdar a dhéanamh ó dhearcadh láidir ealaíonta. Ní mór go mbeadh na scannáin faoi threoir ealaíontóra. 

Tacófar le scannán amháin in 2023. Cuirfear ciste iomlán €247,500 ar fáil don iarrthóir a n-éiríonn leis. Áirítear anseo ciste léiriúcháin iomlán €230,000 agus tacaíocht taispeántais bhreise €17,500, a chuirfear ar fáil tar éis an scannán a chur i gcrích agus nuair a chuirtear straitéis taispeántais isteach lena faomhadh ag an gComhairle Ealaíon. Ní chuirfear san áireamh ach scannáin is féidir a dhéanamh laistigh den bhuiséad seo. Caithfear an scannán a chríochnú lena thaispeáint den chéad uair ag Institiúid Scannán na hÉireann, ár gcomhpháirtí taispeántais, ar dháta a aontófar in 2025. Iarrfar ar iarratasóirí ar an ngearrliosta sonraí a dtogra a phlé leis an bpainéal roghnúcháin a bhfuiltear ag súil a thionólfar i mí Iúil 2023.

Beidh ar thionscadail a n-éireoidh leo Prionta Pictiúrlann Digiteach (DCP) amháin ar a laghad a chur ar fáil lena cur i dtaisce i gCartlann IFI mar chuid de riachtanais sheachadta Authored Works. Ba cheart socrú a dhéanamh ina leith seo laistigh de bhuiséad an iarratais.

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.