Is é an cuspóir atá le Reel Art deis a chur ar fáil d’ealaíontóirí scannán chun cláir faisnéise atá an-chruthaitheach, an-samhlaíoch agus an-turgnamhach a dhéanamh ar théama ealaíne lena taispeáint sa phictiúrlann. Tabharfar tacaíocht do dhá scannán ar a laghad in 2023.

Cuirfear ciste iomlán €135,000 ar fáil don dá iarrthóir a n-éiríonn leo (ar a n-áireofar buiséad léirithe €120,000 agus tacaíocht taispeántais bhreise €15,000). Ní chuirfear san áireamh ach scannáin is féidir a dhéanamh laistigh den bhuiséad seo. Caithfear na scannáin a chríochnú le taispeáint den chéad uair ag Féile Scannán Idirnáisiúnta Bhaile Átha Cliath, ár gcomhpháirtí tionscadail, i mí Feabhra 2025.

Reel Art mar aidhm aici tacaíocht a chur ar fáil d’ealaíontóirí scannán le scannáin faisnéise ealaíne a chruthú nach gcruthófaí murach í. Cuireann an dámhachtain deis faoi leith ar fáil do scannánóirí saothar ealaíonta scannáin a dhéanamh ar ábhair ealaíon. Ba cheart go mbeadh paisean ag scannánóirí don ábhar agus a bheith in ann é sin a chur in iúl ar an scáileán. 

 Beidh ar thionscadail a n-éireoidh leo Prionta Pictiúrlann Digiteach (DCP) amháin ar a laghad a chur i gcrích lena cur i dtaisce i gCartlann IFI mar chuid de riachtanais sheachadta Reel Art. Ba cheart socrú a dhéanamh ina leith seo laistigh de bhuiséad an iarratais. 

Caithfear scannáin Reel Art a dhéanamh laistigh den uasbhuiséad €120,000 agus caithfear é a chur i gcrích an 1 Nollaig 2024 nó roimhe sin. 

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.