Cuspóir na dámhachtana

Is é cuspóir na Dámhachtana do Thionscadal Amharc-ealaíon ná tacú le pleanáil, réamhléiriúchán, léiriúchán, agus cur i láthair an tsaothair sna hAmharc-ealaíona.

Is féidir teacht ar threoirlínte i dtaca leis an mbabhta seo den dámhachtain anseo. Tabhair faoi deara: athraíodh na treoirlínte seo don bhabhta atá le teacht den dámhachtain. Beidh treoirlínte nua ar fáil sula gcuirfear tús leis an tréimhse inar féidir iarratas a chur isteach.

Clinic Eolais 

Beidh clinic eolais ar líne á reáchtáil ag an gComhairle Ealaíon trí Zoom maidir leis an Dámhachtain do Thionscadal Físealaíon ar an dáta seo a leanas: 

• Dé Déardaoin an 4 Iúil ag 11:00am
• Webinar Registration - Zoom

Is féidir cur isteach ar Dhámhachtain do Thionscadal Amharc-ealaíon faoi thrí shnáithe:

Snáithe 1: Pleanáil agus Réamhléiriúchán:

Is é cuspóir Shnáithe 1 tacú le healaíontóirí, coimeádaithe, léiritheoirí nó eagraíochtaí atá incháilithe chun taighde a dhéanamh, ullmhúchán a dhéanamh agus pleananna a dheimhniú le haghaidh saothar amharc-ealaíne nua, uaillmhianach a chuirfear i láthair amach anseo.

Tacaíonn an snáithe seo le forbairt agus le hullmhúchán tionscadail nó coimisiúin seachas a chur i láthair poiblí nó toradh.

Is é €12,000 an t-uasmhéid ar féidir iarratas a dhéanamh air.

Snáithe 2: Léiriúchán Meánscála:

Cuspóir Shnáithe 2: Tacaíonn Léiriúchán Meánscála le táirgeadh agus coimisiúnú tionscadal uaillmhianach sna hamharc-ealaíona, agus díríonn sé ar chur i láthair agus ar rannpháirtíocht an phobail.

Is é Snáithe 2 an chéim dheireanach den tionscadal meánscála, agus beifear ag súil le go mbeidh iarratasóirí ábalta a gcumas a léiriú tionscadal uaillmhianach sna hamharc-ealaíona a chur i gcrích, agus é a chur i láthair an phobail chomh maith.

Féadann na tionscadail sin tarlú i spás poiblí, suíomh dánlainne, suíomhanna agus ionaid neamhghnácha nó ar ardáin dhigiteacha.

Is é faoi bhun €25,000 an méid ar féidir iarratas a dhéanamh air.

Má éiríonn leo, beidh bliain amháin ag iarratasóirí ó fuarthas an toradh chun na gníomhaíochtaí uile a chur i gcrích, a bhaineann lena n-iarratas ar Dhámhachtain do Thionscadal Amharc-ealaíon Shnáithe 2.

Snáithe 3: Léiriúchán Mórscála:

Is é cuspóir Shnáithe 3: Tacaíonn Léiriúchán Mórscála le táirgeadh agus coimisiúnú tionscadal uaillmhianach sna hamharc-ealaíona, agus díríonn sé ar chur i láthair agus ar rannpháirtíocht an phobail.

Is é Snáithe 3 an chéim dheireanach den tionscadal mórscála, agus beifear ag súil le go mbeidh iarratasóirí ábalta a gcumas a léiriú tionscadal uaillmhianach sna hamharc-ealaíona a chur i gcrích, agus é a chur i láthair an phobail chomh maith.

Féadann na tionscadail sin tarlú i spás poiblí, suíomh dánlainne, suíomhanna agus ionaid neamhghnácha nó ar ardáin dhigiteacha.

Is é idir €25,000 agus €80,000 an méid ar féidir iarratas a dhéanamh air.

Má éiríonn leo, beidh bliain amháin ag iarratasóirí ó fuarthas an toradh chun na gníomhaíochtaí uile a chur i gcrích, a bhaineann lena n-iarratas ar Dhámhachtain do Thionscadal Amharc-ealaíon Shnáithe 3.

Nóta ar ábhair thacaíochta:

Tabhair faoi deara, le do thoil, go dteastaíonn ábhair thacaíochta éagsúla do Shnáithe 1 agus do Shnáithe 2/3 den Dámhachtain do Thionscadal Amharc-ealaíon. Ciallaíonn ábhar tacaíochta ábhar ar leith ó d’fhoirm iarratais agus sa bhreis air.

Ní mór an t-ábhar tacaíochta atá leagtha amach do thrí shnáithe na dámhachtana a uaslódáil le d’iarratas. Beidh d’iarratas neamh-incháilithe mura gcuirfidh tú an t‑ábhar tacaíochta riachtanach isteach.

Tá gá le samplaí de shaothar a rinneadh roimhe seo do gach snáithe. Tabhair faoi deara nach nglactar le naisc chuig ardáin na meán sóisialta ná suíomhanna gréasáin de chuid iarratasóirí aonair.

Ní mór d’iarratasóirí rannpháirtíocht aon phríomhpháirtithe a luadh ina dtograí Tionscadail a dheimhniú, de réir an ábhair thacaíochta riachtanaigh.

Tá na sonraí uile maidir leis na hábhair thacaíochta riachtanach ar fáil i gCuid 1.7 de threoirlínte na dámhachtana.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.