Cuspóir na dámhachtana

Is é cuspóir na dámhachtana tacaíocht a thabhairt do thionscnaimh neamhspleácha, ar ardchaighdeán, a dhéanann cur i láthair do lucht féachana nó do phobal go sonrach, nó a théann i mbun rannpháirtíochta leo.

Is iad seo a leanas na tograí sorcais a d’fhéadfadh a bheith i gceist:

• Tograí a bhfuil disciplíní sorcais éagsúla i gceist leo taobh istigh de thaibhléiriú atá bunaithe ar théama
• Tograí a thugann deis d’ealaíontóirí obair le daoine gairmiúla amhail cóiréagrafaithe, léiritheoirí, stiúrthóirí agus dearthóirí cultacha d’fhonn saothar a chruthú atá nua do na healaíontóirí agus don lucht féachana araon
• Tograí a chuireann ar chumas ealaíontóirí saothair a chruthú a athraíonn a gcoincheapa féin faoi chleachtais oibre reatha

Is féidir teacht ar threoirlínte i dtaca leis an mbabhta seo den dámhachtain anseo. Tabhair faoi deara: féadfar na treoirlínte seo a athrú don bhabhta atá le teacht den dámhachtain. Beidh treoirlínte nua ar fáil sula gcuirfear tús leis an tréimhse inar féidir iarratas a chur isteach.

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:          

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.