Is é cuspóir na Comhairle Ealaíon dá clár Áiteanna Cruthaitheacha infheistíocht a dhéanamh in áiteanna (m.sh. bailte, sráidbhailte, bruachbhailte, áiteanna tuaithe) a raibh níos lú deiseanna acu páirt a ghlacadh sna healaíona.

Ba cheart go mbeadh Áiteanna Cruthaitheacha uilechuimsitheach agus éagsúil, agus go mbeadh a gcuid clár fréamhaithe i gcleachtas ealaíon atá rannpháirteach go sóisialta agus i bprionsabail forbartha pobail. Tógfaidh na hiarratasóirí rathúla ar na láidreachtaí cultúrtha atá ann cheana féin agus beidh siad faoi stiúir rannpháirtíochta agus smaointe an phobail. Féachfaidh siad go háirithe le daoine a bhíonn eisiata go minic a thabhairt isteach. Féadfaidh údarás áitiúil, eagraíocht ealaíon nó eagraíocht forbartha pobail a bheith ina phríomhiarratasóir ar an Dámhachtain um Áiteanna Cruthaitheacha.

Níl Snáithe 1 agus Snáithe 2 oscailte ach d’fhaighteoirí Dámhachtainí Áiteanna Cruthaitheacha atá ann cheana féin ar bronnadh maoiniú trí bliana orthu cheana féin sa chlár Áiteanna Cruthaitheacha.

Tá Snáithe 3 oscailte d’iarratasóirí nua, ar nós oifigí ealaíon na n-údarás áitiúil, lena n-áirítear Ealaín na Gaeltachta, eagraíochtaí ealaíon agus eagraíochtaí forbartha pobail (m.sh. ionaid acmhainní teaghlaigh, gníomhaireachtaí nó eagraíochtaí a thacaíonn le grúpaí ar leith).

Tá trí shnáithe sa dámhachtain:

Snáithe 1: Áiteanna Cruthaitheacha Céim 2
Níl an snáithe seo oscailte ach d’iarratasóirí a bhfuil a ndámhachtain trí bliana d’Áiteanna Cruthaitheacha críochnaithe acu agus atá anois ag dul isteach sa chéad chéim eile dá bhforbairt. Mairfidh an dámhachtain seo ar feadh bliana, agus ní gá d’iarratasóirí ach a bpleananna rannpháirtíochta geallsealbhóra agus clársceidealaithe do 2024 a léiriú. Is é an t-uasmhéid ar féidir leat cur isteach air ná €70,000.

Snáithe 2: Áiteanna Cruthaitheacha Bliain 2 nó Bliain 3
Níl an snáithe seo oscailte ach dóibh siúd ar bronnadh maoiniú trí bliana d’Áiteanna Cruthaitheacha orthu in 2022 nó 2023 agus atá ag dul isteach i mBliain 2 nó Bliain 3. Ba cheart do na hiarratasóirí seo tagairt a dhéanamh dá litreacha tairisceana in 2022 agus 2023 agus iarratas a dhéanamh ar nach mó ná léirigh an maoiniú a bronnadh do Bhliain 2 nó Bliain 3.

Snáithe 3: Dámhachtain Taighde agus Forbartha d’Áiteanna Cruthaitheacha
Tá an tsraith seo oscailte d’iarratasóirí nua ar Dhámhachtain Taighde agus Forbartha aonuaire, ar féidir a tharraingt anuas thar ocht mí dhéag. Clúdaíonn an dámhachtain táillí taighde agus costais chomhairliúcháin. Is é an t-uasmhéid ar féidir leat iarratas a dhéanamh air ná €30,000. Sa bhliain 2024 meastar go mbronnfar suas le dhá dhámhachtain.

Nóta: ó 2025, caithfidh iarratasóirí nua ar an gclár Áiteanna Cruthaitheacha ar mhaoiniú ilbhliantúil an snáithe taighde agus forbartha seo (Snáithe 3) a bheith críochnaithe acu sa bhabhta maoinithe seo nó i mbabhtaí maoinithe roimhe seo.

Le haghaidh aon fhiosrúcháin eile, seol ríomhphost chuig Eimear.Kelleher@artscouncil.ie

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.