Tugann Cónaitheachtaí DÓLO (Daoine Óga, Leanaí agus Oideachas) tacaíocht d’ealaíontóirí nó d’eagraíochtaí ealaíon bliain acadúil a chaitheamh ina gcónaí in Institiúid Ardoideachais in Éirinn a chuireann Oiliúint Tosaigh Múinteoirí ar fáil (oideachas bunscoile, iarbhunscoile nó breisoideachais) agus/nó cáilíocht aitheanta in oideachas agus i gcúram luath-óige. Tá na cónaitheachtaí ar fáil do gach foirm ealaíne agus gach réimse cleachtais ealaíon agus tá sé mar aidhm acu: 

• Deiseanna a chur ar fáil d’ealaíontóirí a gcuid scileanna agus a gcuid taithí ar shuíomhanna oideachais a fhorbairt, agus a saothar ealaíne a fhorbairt i dtimpeallacht chomhoibritheach agus thacúil   
• Deiseanna a chur ar fáil don fhoireann teagaisc/do léachtóirí in Oiliúint Tosaigh Múinteoirí agus in Oideachas agus i gcúram luath-óige oibriú i gcomhar le healaíontóirí atá i mbun cleachtais chun tionscnaimh chruthaitheacha shaincheaptha a chruthú i gcomhpháirt lena mic léinn, do na mic léinn céanna   
• Tacaíocht a thabhairt d’ábhair oidí agus d’oideachasóirí luathbhlianta dul i ngleic le healaíontóirí atá i mbun cleachtais mar chuid dá n-eispéiris foghlama   
• Tacaíocht a thabhairt d'ábhar oidí agus d’oideachasóirí luathbhlianta na scileanna agus an mhuinín a fhorbairt chun taithí fhiúntach ar na healaíona a éascú dá gcuid scoláirí sna scoileanna agus sna suíomhanna ina n-oibríonn siad, agus chun na healaíona a chur chun cinn sna suíomhanna sin.   

Tá sé mar aidhm ag an gComhairle Ealaíon tacú le cónaitheachtaí i raon foirmeacha ealaíne éagsúla, le héagsúlacht sna healaíontóirí, sna heagraíochtaí ealaíon agus sna hinstitiúidí oideachais. 

 Cé atá i dteideal iarratas a dhéanamh? 

Tá an scéim oscailte d'institiúidí Ardoideachais a chuireann Oiliúint Tosaigh Múinteoirí ar fáil agus/nó cúrsa le céim leibhéal 7 nó 8 san oideachas nó i gcúram luath-óige.

Caithfidh institiúidí óstacha iarratas a dhéanamh i gcomhpháirtíocht le healaíontóir nó le heagraíocht ealaíon.  

Féach anseo le haghaidh liosta institiúidí ardoideachais a chuireann Oiliúint Tosaigh Múinteoirí ar fáil agus ar féidir leo iarratas a dhéanamh.

Féach anseo le haghaidh liosta institiúidí ardoideachais a chuireann cúrsaí a bhfuil céim leibhéal 7 nó 8 san oideachas nó sa chúram luathóige ar fáil agus ar féidir leo iarratas a dhéanamh.

Tabhair faoi deara:

Caithfidh na healaíontóirí, na heagraíochtaí ealaíon agus na hinstitiúidí óstacha a bheith lonnaithe i bPoblacht na hÉireann.  

Féadfaidh ealaíontóirí nó eagraíochtaí ealaíon bheith dírithe ar aon fhoirm ealaíne nó ar roinnt foirmeacha ealaíon éagsúla.

Ní cheadaítear d’institiúidí óstacha níos mó ná trí iarratas a dhéanamh in aon bhliain amháin. 

Féadfaidh tú teacht ar a thuilleadh eolais ar chónaitheachtaí ar tacaíodh leo roimhe seo, chomh maith le roinnt físeáin ghearra anseo

Tacaíochtaí rochtana 

Dá mba mhaith leat tacaíocht a fháil le d’iarratas de bharr riachtanas inrochtaineachta, déan teagmháil lenár n-oifigeach inrochtaineachta, Vanessa Carswell, chomh luath agus is féidir, le do thoil, mar cinnteoidh sé sin go mbeidh a dóthain ama ag  Vanessa chun tacú leat. Cuirfimid an tacaíocht in oiriúint d’iarratais aonair.

Is féidir leat iarratas a dhéanamh ar chostais bhreise le riachtanais rochtana a d’fhéadfaí a bheith agat mar chuid de do thogra a shásamh.

Is féidir leat:

Glaoch a chur ar Vanessa ar (01 618 0200) nó

Ríomhphost a sheoladh chuig Vanessa ag vanessa.carswell@artscouncil.ie