Tá Ollscoil Chathair Bhaile Átha Cliath i gcomhpháirtíocht leis an gComhairle Ealaíon ag tairiscint deis chónaithe iontach agus speisialta d’amharc-ealaíontóir gairmiúil. Cuirfidh an chónaitheacht an timpeallacht agus na hacmhainní ar fáil d’ealaíontóir chun teicneolaíochtaí nuálacha a iniúchadh trína chleachtas. Tá sí á hóstáil in DCU Alpha (campas nuálaíochta tráchtála) laistigh de Talent Garden (mol nuálaíochta digití agus
comhoibre). Seo deis uathúil d’ealaíontóir oibriú laistigh de thimpeallacht comhoibre nuálach agus a bheith i dteagmháil le pobal taighdeoirí, innealtóirí, nuálaithe agus fiontraithe. Tá an chónaitheacht ceaptha d’amharc-ealaíontóirí a bhfeabhsófaí a saothar le rannpháirtíocht thumthach sa chomhthéacs seo.
Rinne an Chomhairle Ealaíon an infheistíocht seo de bharr a tiomantais raon na gcomhthéacsanna inar féidir le healaíontóirí leas a bhaint as deiseanna cónaithe a leathnú.
Tá Ollscoil Chathair BÁC ag bainistiú na cónaitheachta. Tá na sonraí iomlána maidir leis an deis agus conas iarratas a dhéanamh ar fáil ó https://www.dcu.ie/president/Visual-Arts-Office.shtml
Conas a chuirim isteach chuige seo?
- Íoslódáil agus léigh na treoirlínte atá ar fáil ag an gcoirnéal barr ar dheis an leathanaigh seo.
- Déan seiceáil má tá aon ábhar tacaíochta éigeantach nach mór dul le d’iarratas. D’fhéadfaimis teimpléad a chur ar fáil don ábhar tacaíochta. Más ea, is féidir leat é a íoslódáil ón rannóg ábhar tacaíochta ag an gcoirnéal barr ar dheis an leathanaigh seo.
- Ní mór do na hiarratais go léir a dhéanamh trí shuíomh gréasáin na seirbhísí ar líne. Beidh tú in ann raon leathan d’ábhair thacaíochta a uaslódáil i bhfoirm leictreonach in éineacht le d’fhoirm iarratais.
- Ní mór duit bheith cláraithe leis na seirbhísí ar líne ar an suíomh gréasáin chun iarratas a dhéanamh. Mura bhfuil tú cláraithe cheana féin, molaimid duit clárú do sheirbhísí ar líne chomh luath roimh an spriocdháta agus is féidir, os rud é go bhféadfadh cúig lá a bheith i gceist chun do chlárú ar seirbhísí ar líne a phróiseáil.
Cabhair fós uait?
Liosta de cheisteanna coitianta faoi iarratas a dhéanamh ar líne.
Treoir céim ar chéim maidir le conas foirm iarratais do mhaoiniú a íoslódáil, a chomhlíonadh agus uaslódáil.
Liostáil tvíteanna a bhaineann le maoiniú