Cuspóir

Is é is cuspóir le Maoiniú Comhpháirtíochta ná infheistíocht a chur sa bhonneagar riachtanach a theastaíonn chun na healaíona a chothú agus a fhorbairt in Éirinn agus tacaíocht a thabhairt don bhonneagar sin.
Ní mór dóibh siúd a fhaigheann Maoiniú Comhpháirtíochta obair ríthábhachtach a dhéanamh le go gcuirfí na tosaíochtaí beartais a shonraítear i straitéis deich mbliana na Comhairle Ealaíon (Saothar Ealaíne Iontach a Tháirgeadh) i gcrích.

Agus Maoiniú Comhpháirtíochta á tairiscint aici, is mian leis an gComhairle Ealaíon an méid seo a leanas a chinntiú:

• Go gcuirfear ealaín den scoth agus/nó gníomhaíochtaí, imeachtaí agus seirbhísí ealaíon den scoth ar fáil
• Go gcruthófar timpeallacht thacúil faoi choinne fhorbairt na n-ealaíon
• Go nginfear deiseanna den scoth um fhorbairt ghairmiúil le haghaidh ealaíontóirí/gairmithe ealaíon atá ag cleachtadh a ngairme
• Go mbainfidh níos mó daoine taitneamh as taithí ealaíon ardchaighdeáin, lena n-áirítear lucht féachana níos éagsúla
• Go nglacfaidh an pobal níos mó páirte sna healaíona, go háirithe pobail nua, daoine a bhfuil deacrachtaí acu teacht ar na healaíona, daoine óga agus leanaí
• Go mbainfear caighdeáin sármhaitheasa amach maidir le rialachas agus bainistíocht sna healaíona.

Cé atá i dteideal iarratas a dhéanamh?

Is eagraíochtaí rialtais áitiúil agus eagraíochtaí reachtúla amháin atá in ann iarratas a dhéanamh ar Mhaoiniú Comhpháirtíochta.

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.