Dearadh Oíche Chultúir Dhéanach chun tacú le himeachtaí a gcuirfear tús leo i ndiaidh 9 p.m. agus a leanfaidh ar aghaidh go déanach san oíche ar Oíche Chultúir, Dé hAoine an 19 Meán Fómhair 2025. Cuirtear an dámhachtain seo ar fáil i gcomhpháirtíocht leis an Roinn Turasóireachta, Cultúir, Ealaíon, Gaeltachta, Spóirt agus Meán faoin Tascfhórsa um Geilleagar Oíche chun níos mó éagsúlachta a chur ar fáil dá gcuid eispéireas Oíche Chultúir mall san oíche. Is éard atá i gceist leis an dámhachtain ná príomhimeachtaí ealaíon níos ionchuimsithí agus nuálaí a bheidh ar siúl déanach san oíche agus a bheidh feiliúnach do réimse cineálacha lucht féachana. Ba cheart go meallfadh imeachtaí lucht féachana mór éagsúil agus go gcuirfí níos mó éagsúlachta ar fáil dá n-eispéireas Oíche Chultúir go déanach san oíche.

Tá bunús na scéime daingnithe sna beartais atá leagtha síos i straitéis deich mbliana na Comhairle Ealaíon (2016–25), Saothar Ealaíne Iontach a Tháirgeadh: Forbairt na nEalaíon in Éirinn a Threorú (féach anseo: http://www.artscouncil.ie/ga/straiteis-na-comhairle-ealaion/) agus i dTuarascáil an Tascfhórsa um Gheilleagar Oíche (féach anseo: https://www.gov.ie/en/publication/c1ba7-report-of-the-night-time-economy-taskforce/) de chuid na Roinne Turasóireachta, Cultúir, Ealaíon, Gaeltachta, Spóirt agus Meán.

 Tacóidh an dámhachtain:

Snáithe 1: Príomhimeachtaí Oíche Chultúir Dhéanach

Tacóidh Snáithe 1 le príomhimeachtaí déanach san oíche a bheidh nuálach agus ar mhórscála, a thosóidh i ndiaidh 9 pm, agus a mbeidh áit iontu do os cionn 500 duine. Ní mór go mbeadh an príomhiarratasóir ina oifig ealaíon de chuid údarás áitiúil, ionad ealaíon, eagraíocht ealaíon, féile ealaíon nó ina chomhlacht léiriúcháin.
Ní mór iarratais a dhéanamh i gcomhpháirtíocht agus ní mór baint a bheith ag oifig ealaíon de chuid údarás áitiúil leo, mar phríomhiarratasóir nó mar chomhpháirtí tionscadail.
Ní fhéadfaidh gach oifig ealaíon de chuid ealaíon údarás áitiúil ach iarratas amháin a chur isteach mar phríomhiarratasóir nó mar chomhpháirtí tacaíochta faoi Shnáithe 1.

Sa bhliain 2025, meastar go mbronnfar suas le hocht ndámhachtain faoi Shnáithe 1.

Snáithe 2: Imeachtaí Oíche Chultúir Dhéanach

Tacóidh Snáithe 2 le himeachtaí déanach san oíche a chuirfidh eispéireas uathúil ar fáil don lucht féachana, a thosóidh i ndiaidh 9 pm, agus a mbeidh áit iontu do os cionn 200 duine. Ní mór go mbeadh an príomhiarratasóir ina oifig ealaíon de chuid údarás áitiúil, ionad ealaíon, eagraíocht ealaíon, féile ealaíon nó ina chomhlacht léiriúcháin.
Ní mór iarratais a dhéanamh i gcomhpháirtíocht agus ní mór baint a bheith ag oifig ealaíon de chuid údarás áitiúil leo, mar phríomhiarratasóir nó mar chomhpháirtí tionscadail.
Ní fhéadfaidh gach oifig ealaíon de chuid údarás áitiúil ach iarratas amháin a chur isteach mar phríomhiarratasóir faoi Shnáithe 2.

Sa bhliain 2025, meastar go mbronnfar suas le deich ndámhachtain faoi Shnáithe 2.

Is é an spriocdháta 5.30pm, Déardaoin, an 6 Márta 2025

Le haghaidh aon fhiosrúcháin eile, seol ríomhphost chuig Eimear.Kelleher@artscouncil.ie

Clinic faisnéise

Beidh Clinic Faisnéise Oíche Chultúir Déanach 2025 ar an Déardaoin 6 Feabhra ó 10.30am - 12 (meán lae).

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:         

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.