Cuspóir agus tosaíochtaí na dámhachtana

Bunaíodh an dámhachtain chun tacaíocht a thabhairt maidir le léiriúcháin ceoldráma a dhéanamh agus a léiriú le linn 2013, ag teacht le beartas foilsithe na Comhairle Ealaíon maidir leis an gceoldrámaíocht.

Féadfaidh iarratasóirí tacaíocht a lorg chun ceoldráma a léiriú ar scálaí éagsúla, amhail:

• Ceoldráma príomhscála lena chur i láthair do lucht féachana in ionaid níos mó
• Ceoldráma mionscála nó meánscála, lena chur i láthair do lucht féachana in ionaid bheaga nó in ionaid mheánacha.

Dírítear an dámhachtain ar chur chuige comhoibritheach a spreagadh maidir le léiriúchán ceoldráma bunaithe ar chomhpháirtíochtaí idir ealaíontóirí, léiritheoirí agus láithreoirí. Tagraíonn an téarma ‘léiritheoirí’ anseo d’ealaíontóirí do dhaoine aonair nó deagraíochtaí a bhfuil taithí shuntasach acu maidir le ceoldráma a léiriú agus tagraítear leis an téarma ‘láithreoirí’ d’ionaid, d’fhéilte nó do rudaí eile. Breithneofar tograí ina lorgóidh maoiniú chun ceoldráma a chur i láthair i suíomhanna ón láthair nach gnáthshuíomhanna iad, ar an gcoinníoll go gcomhlíontar na critéir leo. Is é cuspóir na dámhachtana cineálacha nua cur chuige a spreagadh maidir le saothair cheoldrámaíochta a chur i láthair do lucht féachana.

Cé atá i dteideal iarratas a dhéanamh?

Tá an dámhachtain ar oscailt d’eagraíochtaí, do ghrúpaí agus do dhaoine aonair a oibríonn i gcomhpháirtíochtaí comhoibritheacha. Beidh iarratasóirí a fhaigheann maoiniú ón gComhairle Ealaíon tríd na cláir deontais Eagraíochtaí a Mhaoinítear go Rialta / Maoiniú Bliantúil / Deontais le haghaidh Clár Bliantúil incháilithe chun iarratas a dhéanamh, ar an gcoinníoll gur léir go bhfuil an ghníomhaíocht a bhfuil maoiniú á lorg di anuas ar ghníomhaíocht a fhaigheann tacaíocht ó aon chistí eile arna soláthar ag an gComhairle Ealaíon, agus comhlántach go sonrach ar an ngníomhaíocht sin.