Tosaíochtaí na scéime

Tá sé d’aidhm ag Scéim Spás Oibre na nAmharc-ealaíontóirí tacaíocht a thabhairt do spásanna oibre ealaíontóirí ar fud na tíre chun an timpeallacht oibre is fearr agus is féidir a sholáthar d’amharc-ealaíontóirí agus, nuair is indéanta, leibhéal fóirdheontais a chumasú do na healaíontóirí a oibríonn sna spásanna sin.

Luíonn an straitéis seo le straitéis deich mbliana na Comhairle Ealaíon (2016–25),Saothar Ealaíne Iontach a Tháirgeadh: Forbairt na nEalaíon in Éirinn a Threorú , straitéis atá tiomanta do chinntiú ‘go gcuirtear timpeallacht thacúil oibre ar fáil a théann i ngleic le príomhphointí sa timthriall chruthaitheach trína ndéantar ealaín’. 

Bronnfar deontas de suas le €50,000 faoin scéim i dtreo costais reatha cosúil le solas, teas, cíos, cláir forbartha ealaíontóirí, costais riaracháin agus/nó costais oiriúnacha eile. Ní féidir iarratas a dhéanamh ar chostais chaipitil faoin scéim seo.

Cé atá i dteideal iarratas a dhéanamh?

Tá fáilte roimh iarratais ó na spásanna oibre seo a leanas:

• Spásanna oibre atá tiomanta do thacaíocht a thabhairt d’amharc-ealaíontóirí. 
• Spásanna oibre a fhreastalaíonn ar cheathrar amharc-ealaíontóirí gairmiúla ar a laghad a oibríonn ar an láthair.
• Spásanna oibre a bhfuil sé beartaithe acu acmhainní a roinnt chun tairbhe na n-ealaíontóirí a oibríonn ann. 
• Spásanna oibre a chuir isteach ar Mhaoiniú Deontais do na hEalaíona, 2020 nó a bhfuil sé ar intinn acu cur isteach ar Mhaoiniú Tionscadail 2020 le haghaidh ngníomhaíochtaí poiblí (e.g. taispeántais, léiriúcháin, etc.) agus NÍ LE HAGHAIDH TACAÍOCHTA DON STIÚIDEO.
• Spásanna oibre nach gcuirfidh isteach ar thacaíocht stiúideo trí Mhaoiniú Straitéiseach na Comhairle Ealaíon, 2020. 

Ní mór go mbeadh na spásanna oibre lonnaithe i bPoblacht na hÉireann.

Tá an Chomhairle Ealaíon tiomanta don chothromas agus don chuimsiú agus fáiltíonn sí roimh iarratais ó dhaoine nó ó ghrúpaí ó phobail ina bhfuil cultúir éagsúla agus ó ealaíontóirí faoi mhíchumas.

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:          

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.