Is é is cuspóir don Scéim Cónaitheachta d’Ealaíontóirí Damhsa seo ná cobhsú a dhéanamh ar líonra ealaíontóirí damhsa cónaitheacha ar fud na tíre agus tacú leo. Tá an scéim dírithe go sonrach ar ealaíontóirí damhsa ag obair i gcomhpháirt le hionad ealaíon, le heagraíocht ealaíon nó le féile agus/nó le húdarás áitiúil (NB: tá údarás áitiúil éigeantach do Shnáithe 1). Baineann dhá shnáithe leis an scéim seo:

Snáithe 1 

• Ealaíontóirí damhsa gairmiúla a bhfuil cónaí orthu i bPoblacht na hÉireann agus a bhfuil tacaíocht thiomanta acu ó údarás áitiúil amháin ar a laghad agus ó ionad ealaíon nó ó eagraíocht ealaíon nó ó fhéile amháin.
• Údaráis áitiúla a bhfuil sé beartaithe acu cónaitheacht a bhunú d’ealaíontóirí damhsa gairmiúla.

Snáithe 2 

• Ealaíontóirí damhsa gairmiúla a bhfuil tacaíocht thiomanta acu ó ionad ealaíon, ó eagraíocht ealaíon nó ó fhéile. 
• Ealaíontóirí damhsa ar mian leo tabhairt faoi thréimhse meantóireachta le healaíontóir damhsa cónaitheach oilte chun a gcleachtas pobail a fhorbairt.
• Ealaíontóirí damhsa ar mian leo cónaitheacht ghearrthéarmach a fhorbairt le cohórt sonrach daoine. 

Tacaíochtaí Rochtana

Má tá tú faoi mhíchumas agus dá mba mhaith leat cúnamh chun iarratas a dhéanamh, déan teagmháil lenár nOifigeach Rochtana a luaithe agus is féidir roimh an spriocdháta.

Guthán:          

• 01 618 0200
• 01 618 0243

Ríomhphost:  access@artscouncil.ie

Beidh tú in ann iarratas a dhéanamh ar chostais bhreise má tá riachtanais rochtana agat a bhaineann le d’iarratas.

Tabhair faoi deara: ní ghlacfar le hiarratais ach amháin trí Shuíomh Gréasáin na Seirbhísí ar Líne de chuid na Comhairle Ealaíon. Murar úsáid tú Seirbhísí ar Líne cheana ní mór duit clárú le haghaidh logáil isteach le bheith in ann iarratas a dhéanamh ar mhaoiniú.  Tá sé tábhachtach go ndéanfaidh tú iarratas a luaithe agus is féidir go bharr go bhféadfadh sé suas le cúig lá oibre a thógáil sula bpróiseálfar do chlárúchán.