Muckross Harp Trail 2015. Grianghraf: Valerie O'Sullivan

D'fhoilsigh an Chomhairle Ealaíon an Tuarascáil ar Thraidisiún na Cruitireachta in Éirinn le Toner Quinn. Sa mhórphíosa taighde seo ar an gcruit agus ar an gcruitireacht in Éirinn tá pictiúr luachmhar den chleachtas cruitireachta comhaimseartha lena n-áirítear faisnéis maidir le repertoire, cumadh, taibhiú, teagasc agus déanamh na cruite.

Aithníonn an Chomhairle Ealaíon go bhfuil tábhacht ar leith leis an gcruit in Éirinn agus go mbaineann stair shaibhir neamhghnách léi ar an oileán seo le suas is anuas le míle bliain nó mar sin. Déanann an pobal cruitireachta in Éirinn tagairt don uirlis i ngach ceann dá cuid foirmeacha - an tseanchláirseach, an chláirseach snáithe caoláin agus an chruit cheolchoirme. Tá stádas tábhachtach ag an gcruit sna healaíona traidisiúnta in Éirinn agus, ag an am céanna, léiríonn sí cleachtas ilsraitheach lena mbaineann éagsúlacht mhór.

Tá taighde Quinn bunaithe ar shuirbhé forleathan agus ar agallaimh a rinneadh le cruitirí ar fud na hÉireann. Déantar mapáil ann ar chleachtas na cruite agus ar acmhainní agus tugtar léirmheas ar infheistíocht na Comhairle Ealaíon atá ábhartha don chruit. Is doiciméad tábhachtach é a threoróidh beartas na Comhairle agus é ag forbairt sa todhchaí.

Tá an Tuarascáil ar Thraidisiún na Cruitireachta in Éirinn ar fáil le híoslódáil (PDF, 5.15 MB) anseo.

←Fill ar ais go dtí an nuacht