(Creidiúint Grianghrafadóireachta: Jasmin Doyle)

Gearrbheathaisnéis: Is taibheoir rince gairmiúil agus cóiréagrafaí atá ag teacht chun cinn í Jessie Thompson, a dhéanann speisialtóireacht in Hip Hop agus rince trialach comhaimseartha. In 2021, bhronn Damhsa Éireann Gradam Hatch agus cónaitheacht ar Jessie chun a saothar féin a fhorbairt, chomh maith leis an nGradam Lúfaireachta chun saothar a chruthú ina léirítear ceol nua in éineacht le foireann.

Bhí sí ar stáitse le Compántas Emma Martins, United Fall in Night Dances le Féile Amharclannaíochta Bhaile Átha Cliath agus ag PopUp in Mermaid Arts Centre (Ionad Ealaíon na Maighdine Mara), rud a bhí á gcoimeád ag Shaun Dunne agus Nyree Yergainharsian. D’oibrigh Jessie leis an gcompántas Locked Creative ar roinnt léiriúchán agus leis an gcóiréagrafaí Joy Ritter ar scannán lánfhada a stiúir Floria Sigisimondi. D’fhill sí ar an gcóiréagrafaíocht don Fhéile Dance2Connect Leeds, ar thacaigh Comhairle Ealaíon Shasana léi, an taispeántas Lost and Found ag Universal Space agus rinne sí meantóireacht ar ealaíontóirí le linn scéimeanna cónaitheachta in Ionad Ealaíon Loch Garman ar thacaigh Issacs leo. Rinne Jessie cóiréagrafaíocht ar roinnt físeáin ceoil d’ealaíontóirí Éireannacha le blianta beaga anuas agus d’oibrigh sí ar scannáin ghearra/lánfhada. Bhí sí ar stáitse in The Busk 2021 a thacaigh le Clann Shíomóin.

I mbliana, beidh Jessie ag obair ar a saothar féin agus ag iarraidh taighde a chur chun cinn. Tacaíonn an Gradam Lúfaireachta leis an taighde seo agus cuirfear tús le tionscadail nua in éineacht le cóiréagrafaithe amhail Liz Roche, Monica Munoz agus an meantóir Cathy Coughlan.

Cad a rinne tú le do Dhámhachtain Lúfaireachta?

Rinne mé taighde ar shaothar rince nua agus rinne mé é sin a fhorbairt in éineacht le foireann de 5 rinceoirí le linn cónaitheachta a bhí ar siúl ar feadh seachtaine ag Damhsa Éireann. Scríobhamar chuig a chéile (agus faoina chéile), agus rinneamar iarracht a bheith seiftiúil maidir le hábhair thábhachtacha dhúshlánacha. Is freagra é an saothar seo ar chaidrimh idir bhaill na foirne, dinimic an chairdis, córas tacaíochta agus machnamh pearsanta a rinneamar le dhá bhliain anuas mar ealaíontóirí.  Bhí mé ag iarraidh taighde a dhéanamh ar an saothar ó thaobh na scannánaíochta agus na stáitse de. Mar sin, d’oibrigh mé le beirt mheantóirí, an rinceoir Robert Byrne in District Funk Studios agus mé i mbun na cónaitheachta pearsanta mar chuid den dámhachtain seo, agus leis an rinceoir/físghrafadóir Douglas Reddan, a bhí freagrach as an taighde a thaifeadadh ag Damhsa Éireann. Rud nach raibh pleanáilte ab ea fiosrú ar cheol úrnua; tharla an méid seo go nádúrtha in éineacht leis an gceoltóir James McNamara agus chuir an méid sin brí agus fuinneamh nua sa tionscadal. Thug mo chara agus meantóir Cathy Coughlan agus Mateusz Szczerek treoir dom agus chuir siad uirlisí ar fáil dom i rith an phróisis.

Cén chaoi a ndeachaigh an Dámhachtain Lúfaireachta i bhfeidhm ort mar ealaíontóir/ar do ghairm bheatha?

Domsa, thug an dámhachtain seo deis álainn dom chun machnamh a dhéanamh ar an gcéim ina bhfuil mé ó thaobh an phróisis de chomh maith leis an méid ba mhaith liom a dhéanamh amach anseo. Bhí mé in ann mo chuid saothair a fhiosrú agus a dhéanamh in éineacht le mo chairde is mó agus mo theorannacha pearsanta a shárú, d’fhoghlaim mé tuilleadh faoi mo phróiseas cruthaitheacha féin agus chuir mé le mo chuid scileanna mar dhéantóir/ chomhoibrí.  Seasann gné chomhoibríoch an phróisis amach domsa. Agus mé ag dul chun cinn amach anseo, beidh caidrimh láidre agam le healaíontóirí a thugann spreagadh dom. Go proifisiúnta, chuir an dámhachtain seo tuilleadh deiseanna ar fáil dom mar rinceoir. Tháinig méadú ar thacaíocht agus spéis an phobail ar an saothar a bhí déanta agam cheana, saothar atá le léiriú go fóill nó saothar atá á dhéanamh agam faoi láthair.

Conas a dhéanfá cur síos ar do phróiseas cruthaitheacha?

Dhéanfainn cur síos ar mo phróiseas cruthaitheacha mar phróiseas eagraithe atá ina chíor thuathail, freagra láithreach ar an saol thart timpeall orm. Bím seiftiúil agus bainim triail as smaointe atá agam nó abairtí atá scríofa síos agam agus a phiocaim amach as hata, ar na rinceoirí a bhfuil aithne agam orthu, agus bainim an-taitneamh as mo chuid smaointe a phlé le daoine. Tugann go leor rudaí inspioráid dom amhail an dúlra, comhráite agus imeachtaí sioncronaithe. Mar sin, is minic a thosaím ón tús arís chun ligeann don phróiseas cruthaitheachta tarlú go nádúrtha.  Tá sé an-tábhachtach dom seánraí éagsúla ceoil a sheinm agus mó ag cruthú liom.

Céard é, dar leat, an dúshlán is mó atá agat mar ealaíontóir?

Le bheith fírinneach, déarfainn gurb é an dúshlán is mó ná an chruthaitheacht a choinneáil ag dul go comhuaineach leis an riarachán agus na fadhbanna airgeadais atá ann do dhuine óg atá ag iarraidh dul i ngleic le paindéim agus géarchéim chíosa. Caithim go leor ama in nádúr agus i mo chleachtadh pearsanta gach lá chun gur féidir liom a bheith ag rince gach lá, ach níl an méid seo indéanta i gcónaí mar gheall ar an suíomh reatha in Éirinn, gné den obair atá an-dúshlánach. É sin ráite, tá an t-ádh orm a bheith in áit mhaith agus an tacaíocht seo a fháil. Mar is eol dúinn, is iomaí duine atá ar an ngannchuid. Sin an chaoi a bhfuil cúrsaí agus táim ag streachailt leis an méid seo a phróiseáil freisin.  Mar sin, tá sé mar aidhm agam saothar a chruthú a bhfuil tionchar aige chun go mbeidh mé in ann cabhair a thabhairt dóibh siúd i ngátar níos déanaí i mo ghairmréim.

Cad í an chomhairle ab fhearr a cuireadh ort nuair a bhí tú ag teacht chun cinn mar ealaíontóir?

Ná bíodh drogall ort comhairle a iarradh.

Cad é an duine/rud faoi leith a chuaigh i bhfeidhm is mó ar do chleachtas?

Pobal rince sráide na hÉireann, ag féachaint agus ag freastal ar iomaíochtaí rince, na seisiúin agus na sifir, na bris-rinceoirí, na pop-rinceoirí, na rinceoirí hip-hop agus crumpóirí agus an tacaíocht go léir a chuir siad ar fáil dom chun pé rud a thaitníonn liom a dhéanamh agus a bheith seasmhach ón taobh sin.

Cad a dhéanfaidh tú anois?

Táim chun breise tacaíochta a lorg chun taighde a dhéanamh ar shaothair de mo chuid féin agus iad a forbairt tuilleadh. Táim ag dul faoi chlár chun rince aonair nua a chruthú agus a fhorbairt in éineacht le Cóiréagrafaí Éireannach. Leanfaidh mé ar aghaidh le mo chleachtas agus b’fhéidir go bhfoghlaimeoinn scil nua i mbliana, mar rinne mé roinnt disciplíní sorcais a fhiosrú anuraidh agus bhí fonn orm cuid acu a chur le mo chleachtas. Beidh mé ag iarraidh imeacht eile de mo chuid Battle of Zen a eagrú agus céim eile a thógáil i leith na scannánaíochta. Beidh cleachtaí iomlánaíocha á staidéar agam agus déanfaidh mé iarracht cuid acu a cheangal le mo phróiseas cruthaitheacha agus/nó mo chleachtas/chuid rince féin.