(Creidiúint Grianghrafadóireachta: Jack Bain) 

Gearrbheathaisnéis:

Is taibheoir rince atá lonnaithe in Áth Cliath agus ball gairmiúil de Dhamhsa Éireann é Mateusz Szczerek.

Áirítear lena shaothair a cuireadh i gcrích le déanaí tá Digital RSS Commission 2021 in The Civic mar an príomhealaíontóir, cóiréagrafaíocht i gcomhair léiriúchán rince/sorcais Blame Game a léiríodh den chéad uair ag Bristol Circus City i mí Dheireadh Fómhair 2021 agus atá le dul ar camchuairt in 2022/23 agus LETS DANCE, tionscal de chuid Damhsa Éireann, i gcomhair Cruinniú na nÓg 2021.

Tá stiúradh a dhéanamh ag Matt ar Dance2Connect go fóill freisin. Is Féile Rince Sráide í seo a bheidh ar siúl ar feadh 3 lá ag The Civic, féile a fhaigheann tacaíocht ó Mhaoiniú Féilte na Comhairle Ealaíon.

In 2019, roghnaíodh é mar chuid den tionscadal LIGHTING DESIGN FOR DANCE de chuid The Lir,
a raibh Liz Roche mar mheantóir air.

In 2018, rinne Mateusz cóiréagrafaíocht ar FABLE don Dublin Fringe Festival. (Ionad Ealaíon an Tionscadail)
ar bronnadh ainmniúchán air don ensemble is fearr. D’oibrigh Matt le CoisCéim Dance Theatre go rialta, agus é mar phríomhrinceoir in THE WOLF & PETER (2017 Áras Ceoldrámaíochta Sydney). In 2017, roghnaigh an compántas rince Far From The Norm Matt mar an príomhealaíontóir Éireannach sa léiriúchán idirnáisiúnta UNION BLACK, léiriúchán a fuair maoiniú ó Eoraip na Cruthaitheachta agus a chuaigh ar camchuairt sa Ríocht Aontaithe, sa Fhrainc, sa tSualainn agus in Éirinn.

Cad a rinne tú leis na Dámhachtain(í) a bhronn an Chomhairle Ealaíon ort?
Chuir an Dámhachtain Tionscadail ar mo chumas mo chleachtas rince agus lámhchleasaíochta a fhorbairt i gcomhar le teagascóirí den chéad scoth, Liza Van Brakel agus Mark Sheets. Chuir an bheirt ealaíontóirí uirlisí léiriúcháin ardchaighdeáin ar fáil dom agus thug siad an inspioráid dom a bhí ag teastáil uaim don chéad tionscal eile de mo chuid.

Thacaigh an Dámhachtain Sparánachta liom caidrimh ghairmiúla nua a chur ar bun agus an chéad-dréacht a fhorbairt de thionscal nua do dhaoine óga, tionscal a bhaineann úsáid as rince, beochan agus teicneolaíocht réaltacht fhíorúil (VR). Bhí mé in ann réamhbhlaiseadh i gcomhair píosa nua a fhorbairt agus dul i mbun comhoibrithe le healaíontóirí iontacha, Camille Donegan (saineolach ar VR) agus Fergal Brenann (beochantóir).

Cén tionchar a bhí ag an tacaíocht ón gComhairle Ealaíon ar do
ghairm bheatha?
Ciallaíonn an tacaíocht a fhaighim ón gComhairle Ealaíon go bhfuil mé in ann mo chleachtas ealaíne a choinneáil ag imeacht agus gur féidir liom díriú isteach ar ealaíon a chruthú, rud a chuireann sceitimíní orm. Chabhraigh sé liom caidrimh idirdhisciplíneacha a chothú agus chuir sé an mo chumas tabhair faoi ghnó laistigh de mo réimse saineolais, agus cuireadh borradh faoi mo chuid samhlaíochta agus uaillmhéine dá bharr.

Conas a dhéanfá cur síos ar do phróiseas cruthaitheacha?
Is meascán idir ghluaiseacht atá pleanálaithe go straitéiseach agus súgradh le tobchumadh é mo phróiseas cruthaitheacha. Taitníonn sé liom cead a thabhairt do thorthaí gan choinne a bheith páirteach i mo phríomhshaothar agus an struchtúr a athrú ó chodanna a bhí pleanáilte roimh ré. Is maith liom nuair atá an rince orgánach agus an cuma air go ndéantar gach rud gan stró, ach bhí taighde agus struchtúr i gceist le fírinne. Triailim nithe a láimhsiú go minic freisin, rud a ligeann dom torthaí gan choinne a bhaint amach.

Céard é, dar leat, an dúshlán is mó atá agat mar ealaíontóir?
Is é an dúshlán pearsanta atá agam mar ealaíontóir ná mo chuid ealaíne a athchruthú go rialta, trí chomhoibriú, sheisiúin scilbhisithe agus iniúchtaí spraíúla. Creidim go gcaithfidh gach píosa a bhfuil fonn orm obair a dhéanamh air mise a spreagadh, chun an toradh is fearr ar fad a bhaint amach. Is gné fhíorthábhachtach den dúshlán seo é spraoi.

Cad í an chomhairle ab fhearr a cuireadh ort nuair a bhí tú ag teacht chun cinn mar ealaíontóir?
Is ar an gcomhsheasmhacht atá rath bunaithe.

Cad é an duine/rud faoi leith a chuaigh i bhfeidhm is mó ar do chleachtas?
Faighim inspioráid ó scata rudaí, ach bhí an tionchar is mó orm ag BEASTCAMPT le gairid (clár ar líne maidir le conas cleachtadh Krump Dance a fhorbairt).

Cé is moite den mhéid sin, bhí an tionchar is mó ag an na daoine seo a leanas orm: James Thierree, Gandini Juggling, Wang Ramirez agus FarFromTheNorm.

Cad a dhéanfaidh tú anois?
Is í an chéad chéim eile ba mhaith liom a thógáil ná leagan iomlán de rince aonair Matt&Hat a fhorbairt. Is rince é do lucht féachana óg a bhaineann úsáid as teicneolaíocht VR. Cuirfidh mé tús le píosa nua a dhéanann cúram den chomhshaol a fhorbairt in éineacht le foireann iontach de rinceoirí atá lonnaithe in Áth Cliath. Bainfear úsáid as plaisteach athchúrsáilte, d’aon chineál, chun struchtúr a chruthú don dearadh léirithe. Tá fuadar fúm anois tús a chur leis an eachtra nua seo.