Tugann Cónaitheachtaí DÓLO (Daoine Óga, Leanaí agus Oideachas) tacaíocht d’ealaíontóirí nó d’eagraíochtaí ealaíne bliain acadúil a chaitheamh ina gcónaí in Institiúid Ardoideachais in Éirinn a chuireann Oiliúint Tosaigh do Mhúinteoirí ar fáil (oideachas bunscoile, iarbhunscoile nó breisoideachais). Tugadh tacaíocht do na healaíontóirí cónaithe seo a leanas ar feadh na tréimhse 2012 – 2021:

An t-ealaíontóir ildisciplíneach Colm Ó Foghlú (Institiúid Oideachais Ollscoil Chathair Bhaile Átha Cliath)

Mark Joyce, Amharc-Ealaíontóir (Institiúid Oideachais Marino)

Kevin Gaffney, Amharc-Ealaíontóir (Institiúid Oideachais Marino)

Maeve Clancy, Amharc-Ealaíontóir (Coláiste Mhuire Gan Smál, Ollscoil Luimnigh)

Desi Wilkinson, Ceoltóir Traidisiúnta (Coláiste Mhuire Gan Smál, Ollscoil Luimnigh)

Deirdre Dwyer, Ealaíontóir Amharclannaíochta (Coláiste Mhuire Gan Smál, Ollscoil Luimnigh)

Peter Hussey, Scéalaí (Ollscoil Mhá Nuad)

Anne-Marie O’Farrell, Cumadóir (Coláiste Mhuire Gan Smál, Ollscoil Luimnigh)

Branar, Téatar do Pháistí (Coláiste Mhuire Gan Smál, Ollscoil Luimnigh)

Amharclann Rince, CoisCéim (Coláiste Phádraig, Institiúid Oideachais Ollscoil Chathair Bhaile Átha Cliath atá ann anois)

Sheena Wilkinson, Alan Nolan, Claire Hennessy le Leabhair Pháistí Éireann (Coláiste Oideachais Eaglais na hÉireann, Institiúid Oideachais Ollscoil Chathair Bhaile Átha Cliath atá ann anois)

Lisa Cliffe, Ealaíontóir Damhsa (Roinn Froebel Bunoideachais agus Oideachais Luathóige, Má Nuad)

An Fidelio Trio (Coláiste Phádraig, Institiúid Oideachais Ollscoil Chathair Bhaile Átha Cliath atá ann anois)

In 2022, thug an Chomhairle Ealaíon tacaíocht do thuilleadh cónaitheachtaí in Oiliúint Tosaigh Múinteoirí. Chomh maith leis sin, is féidir le hinstitiúidí a thairgeann cáilíocht aitheanta in Oideachas Cúraim agus Luath-Óige iarratas a dhéanamh. Tá sé mar aidhm ag na cónaitheachtaí:

Deiseanna a chur ar fáil d’ealaíontóirí a gcuid scileanna a fhorbairt chomh maith lena dtaithí ar shuíomhanna oideachais, agus a saothar ealaíne a fhorbairt i dtimpeallacht chomhoibritheach agus thacúil;

Deiseanna a chur ar fáil don fhoireann teagaisc in Oiliúint Tosaigh Múinteoirí agus in Oideachas Cúraim agus Luath-Óige oibriú i gcomhar le healaíontóirí cleachtacha chun tionscnaimh chruthaitheacha, shaincheaptha a chruthú i gcomhpháirt lena scoláirí, do na scoláirí céanna;

Tacaíocht a thabhairt d’ábhair oidí agus do chleachtóirí luathoideachais oibriú i gcomhar le healaíontóirí atá ag cleachta a ngairme mar chuid dá n-eispéiris foghlama;

Tacaíocht a thabhairt d'ábhar oidí í agus do chleachtóirí luath-óige chun na scileanna agus an mhuinín a fhorbairt chun taithí fhiúntach ar na healaíona a éascú dá gcuid scoláirí sna scoileanna agus sna suíomhanna ina n-oibríonn siad, agus chun na healaíona a chur chun cinn sna suíomhanna sin.

 Cuirfear tús leis an tréimhse inar féidir iarratais a chur isteach ó Dé Máirt, 8 Márta 2022 ar aghaidh agus is é an 7 Aibreán 2022 an spriocdháta. Ba cheart d’Institiúidí Ardoideachais iarratas a dhéanamh i gcomhpháirtíocht le healaíontóir beartaithe nó le heagraíocht ealaíne.  Beidh fáil ar na treoirlínte go luath.