Cork Opera House (Grianghraf: Miki Barlok)

Tacaíocht d’Ionaid 

Cuireadh roinnt scéimeanna agus tionscnamh ar bun chun tacaíocht faoi leith a thabhairt d’ionaid. Tá siad sin ar aon dul le beartas na Comhairle Ealaíon ionaid a spreagadh chun bheith i mbun léiriú, comhléiriú agus comhoibriú, agus tacaíocht a thabhairt dóibh chomh maith, chun na caighdeáin is airde maidir le beartas agus cláreagrú ealaíonta, rialachas, bainistíocht agus oibríochta a bhaint amach.

• An Scéim camchuairte agus scaipthe saothair, lena soláthraítear tacaí do thionscnóirí camchuairteanna i ngach foirm ealaíne. Áirítear leis an scéim soláthar tacaíochta do chompántais agus do líonraí lena saothar a chur i láthair don lucht féachana/éisteachta is leithne ar an mbealach is éifeachtaí.

• Lucht Féachana na nEalaíon, lena dtugtar faoi thionscnaimh agus lena dtugtar tacaíocht atá comhsheasmhach le cur i bhfeidhm bheartas na Comhairle Ealaíon maidir le camchuairteanna 

• An scéim Chónaitheachta d’Ealaíontóirí Téatair,  Chónaitheachta d’Ealaíontóirí Damhsa  agus an scéim, Scéim chónaitheachta do choimeádaí físealaíon lena spreagtar ionaid a bheith ina n-áiteanna oibre d’ealaíontóirí agus lena spreagtar oifigí ealaíon in údaráis áitiúla agus ionaid a bheith ag comhoibriú ar chomhthionscadail. 

Le forbhreathnú iomlán a fháil ar an tacaíocht airgeadais le haghaidh ionad, téigh chuig an leathanach faoin maoiniú atá ar fáil.