Leanfaidh an Laureate lena chuid oibre mar ealaíontóir cruthaitheach.  Ina theannta sin, thar thréimhse trí bliana, tabharfaidh Colm Tóibín caint cheardaíochta dírithe ar mhic léinn MA agus fochéime i ngach ceann de na hollscoileanna Éireannacha le clár scríbhneoireachta cruthaithí agus léacht bhliantúil don phobal a scaipfear freisin i bhfoilseachán.  I 2022, reáchtálfar an léacht bhliantúil i nGaillimh ar an 6 Samhain. Chomh maith leis sin, beidh an Laureate i gcomhair Ficsean Éireannach páirteach i rogha mórimeachtaí poiblí gach bliain, agus é mar phríomhchuspóir aige níos mó rannpháirtíochta le litríocht na hÉireann a chur chun cinn agus a spreagadh.

Coimeádfaidh an Laureate i gcomhair Ficsean Éireannach an clár poiblí, bunaithe ar théamaí agus ar thosaíochtaí a shainaithin sé. I gcás Cholm Tóibín, díreoidh sé ar ‘The Art of Reading’ i measc rudaí eile. Ceaptar post an Laureate ionas go gcuirfidh an Laureate féin cruth ar an ról, amhail is atá i gcás Ollamh Filíochta na hÉireann agus Laureate na nÓg.  Ceadaíonn sé seo don ealaíontóir aonair a bheith i gcroílár an tionscadail, agus tá stair bhródúil agus fhada ag an gComhairle Ealaíon i dtacú le healaíontóirí aonair, scríbhneoirí go háirithe.

I gcomhpháirt le Leabharlanna Éireann, cuirfidh an Laureate i gcomhair Ficsean Éireannach The Art of Reading i láthair, club leabhar míosúil do chlubanna leabhar leabharlainne ar fud na tíre agus curtha ar fáil ar líne do léitheoirí ó gach carn den domhan ar an Déardaoin deiridh de gach mí. 

Cuirfidh Colm Tóibín The Art of Reading i láthair. I gcaitheamh na bliana, pléifidh an Laureate rogha saothar le scríbhneoirí Éireannacha, ag leagadh béim ar scríbhneoireacht Éireannach den scoth agus ag ceiliúradh an léitheora agus na gclubanna leabhar.  I gcásanna áirithe beidh scríbhneoirí eile i láthair, chomh maith leis an Laureate, ag plé leabhar an scríbhneora. Beidh an chéad chlub leabhar ar líne ar fáil le sruthú ón Déardaoin an 24 Feabhra.  Ar an dáta seo, beidh Colm ag labhairt le Claire Keegan faoina leabhar Small Things Like These.

Tugtar cuireadh do léitheoirí, do dhaoine a bhfuil grá acu do leabhair agus do chlubanna leabhar i ngach áit páirt a ghlacadh in The Art of Reading leis an Laureate, na leabhair den scoth seo a léamh agus tiúnáil isteach gach mí don phlé.

Lean imeachtaí an club leabhar The Art of Reading ar Facebook ag www.facebook.com/LaureateIrishFiction agus lean @LaureateFiction ar Twitter #TheArtofReading agus Instagram laureateirishfiction.

Ba cheart don duine aonair nó do na heagraíochtaí sin ar mian leo cuireadh a thabhairt don Laureate chun páirt a ghlacadh in imeacht teagmháil a dhéanamh le hAudrey Keane, Bainisteoir Tionscadail don Laureate i gcomhair Ficsean Éireannach, ag Audrey.keane@artscouncil.ie. Mar a luadh thuas, beimid ag tacú leis an Laureate agus é i mbun coimeádaíochta ar a chlár poiblí agus beidh sé bunaithe ar thosaíochtaí an Laureate.