Tacú le hEalaíontóirí in Rannpháirtíocht sna hEalaíona

Faoi straitéis na Comhairle Ealaíon chun teagmháil agus rannpháirtíocht an phobail sna healaíona a mhéadú, forbraíodh roinnt scéimeanna agus tionscnamh go díreach dóibh siúd atá ag obair i réimse an rannpháirteachais sna healaíona. San áireamh le péire de na tionscnaimh sin tá Scéim na nAmharc-Ealaíontóirí sna Príosúin, agus Scéim na Scríbhneoirí sna Príosúin. Tá na scéimeanna á mbainistiú go comhpháirteach ag Seirbhís Phríosúin na hÉireann trína Rannán Oideachais agus ag an gComhairle Ealaíon.

Scéim na bhFísealaíontóirí sna Príosúin

Cuireann an Chomhairle Ealaíon deiseanna ar fáil tríd an scéim seo d’fhísealaíontóirí le bheith ag obair le grúpaí de mhic léinn agus a múinteoirí i bpríosúin na hÉireann.

Cuireann na healaíontóirí sraith ceardlann ar fáil do mhic léinn ar spéis leo na cúrsaí sin. Ar na ceardlanna a reáchtáladh go dtí seo, bhí dealbhóireacht, péinteáil, líníocht, ceirmeacht, mósáicí agus meáin amhairc eile.

Pléann an múinteoir agus an t-ealaíontóir na cineálacha ceardlainne atá ag teastáil agus nuair a bhíonn na haidhmeanna agus na cuspóirí soiléirithe acu agus na dátaí socraithe, oibríonn an t-ealaíontóir, an múinteoir ealaíne agus na mic léinn go léir le chéile.

Reáchtáladh an taispeántas leathbhliantúil ag Rua Red in 2024, agus cuireadh saothar ealaíne ar taispeáint ann a rinne príosúnaigh i gceardlanna. Tá tuilleadh faisnéise anseo.

Scéim na Scríbhneoirí sna Príosúin

Cuireann an scéim deis ar fáil do scríbhneoirí roghnaithe a bheith ag obair le grúpaí mac léinn i bpríosúin na hÉireann. Tugann múinteoirí nó leabharlannaithe ó aon cheann de na príosúin i bPoblacht na hÉireann cuireadh do scríbhneoirí roghnaithe chun reacaireacht a dhéanamh nó ceardlann a éascú nó sraith ceardlann a chur ar fáil do mhic léinn ábhartha. Ar na ceardlanna a reáchtáladh go dtí seo, bhí litríocht, filíocht, scríbhneoireacht drámaí agus scríbhneoireacht scáileáin.

Pléann an múinteoir agus/nó an leabharlannaí agus an scríbhneoir an reacaireacht nó na cineálacha ceardlainne atá ag teastáil agus nuair a bhíonn na haidhmeanna agus na cuspóirí soiléirithe acu agus na dátaí socraithe, oibríonn an scríbhneoir i gcomhar leis na mic léinn.

Tá athbhreithniú á dhéanamh ag an gComhairle Ealaíon agus ag Seirbhís Phríosúin na hÉireann ar an bpainéalaí reatha. Ní cheapfar níos mó ealaíontóirí ar an bpainéal nó go mbeidh an t‑athbhreithniú críochnaithe.